وَاشْ نيروبي غادِي تْعْتَارْفْ بمغربية الصحرا.. الرئيس الكيني باغي إجي للمغرب..

الصحراء اليومية/العيون

كشف موقع “أفريكا أنتيليجنس” عن زيارة مرتقبة إِقْدَرْ إِديرْها الرئيس الكيني، ويليام روتو للمملكة المغربية في قادم الأيام دون الإعلان عن أُفقها أو تاريخها.

وتحدث المصدر عن تحضيرات تجري لزيارة الرئيس الكيني، ويليام روتو، للمملكة المغربية، واللي من ضمنها كانت زيارة الكاتب الأول المكلف بالشؤون الخارجية في كينيا، أبراهام كورير سينغوي، بتاريخ 21 مارس اللي فات واللي تلاقى خلالها وزير الشؤون الخارجية والتعاون الأفريقي والمغاربة المقيمين في الخارج، وعطاه رسالة للملك محمد السادس.

وقال المصدر أن التقارب للي كاين بين الرباط ونيروبي منبعه هو بناء مصنع للأسمدة فكينيا، بحيث ممكن يتم الإعلان عليه فخضم الزيارة اللي باغي يدير الرئيس الكيني للمملكة المغربية، مشيرا أن وزير الفلاحة الكيني، ميثيكا لينتوري، خدام مع نظيرو فالمغرب، ومع المجمع الشريف للفوسفاط فسبيل ياخدو قرار ويوجدو لهاد المنشأة.

وهاد الزيارة في حالة كملات غادي يكون ليها انعكاس مباشر على نزاع الصحرا، إذ من المرجح أن يتم خلالها الإعلان عن سحب كينيا اعترافها بالبوليساريو ودعم مغربية الصحرا، واخا هاد القرار كيبان صعيب بالنظر لداكشي اللي وقع فاش خدات كينيا هاد القرار وتراجعات عليه فشهر شتنبر 2022، ولكن هاد التنسيق السياسي اللي طغى على الواجهة مؤخرا كيبان أنه ممكن يعطي نتيجة.