مندوب الجزائر فالأمم المتحدة فإحتفالية العضوية غير الدائمة لمجلس الأمن صور بلادو بحال “سوبرمان” والصحرا ما ذكرهاش..

الصحراء اليومية/العيون

بدات الجزائر رسميا ولايتها الإنتدابية كعضوة غير دائمة فمجلس الأمن الدولي، بالإضافة لأربع دول أخرى.

وفهاد الصدد تقامت إحتفالية بسيطة بالدول اللي غادرات والدول اللي خدات العضوية، وتخللها كلمات ديال الممقلين الدائمين ديال ديك البلدان ومن صمنعم كلمة المندوب الجزائري عمار بن جامع.

المندوب الجزائري فالأمم المتحدة دار كلمة بمناسبة العضوية غير الدائمة ديالهم، وقال بأن بلادو عندها أولويات وإلتزامات لصالح السلم والأمن فالعالم والحوار من أجل تجاوز الخلافات وتعزيز التعاون الدولي.

وأضاف بان بلادو غادي تكون صوت ديال ” الشعوب المضطهدة والقابعة تحت وطأة الاستعمار لتمكينها من حقها في تقرير مصيرها” بدون ما يحدد المقصود من هاد المحور.

وحاول المندوب الجزائري تقديم بلادو بصفة “سوبرمان” فاش خصص قال أن بلادو غادي دافع على القضية الفلسطينية وغادي توقف الإبادة الجماعية وتوقف الحرب وإطلاق النار.

السفير الجزائري فوعودو بالدفاع عن القضية الفلسطينية تناسى أن بلاد خدات العضوية غير الدائمة لمجلس الأمن 4 مرات وهادي هي الخامسة وعمّر من مان عندها شي دور يمكن يتذكر من غير تأثيث المشهد.

ثانيا فين مشات قضية الصحراء من كلمة الصحرا اللي قالو بانعا غادي تكون اولوية بالنسبة ليهم. السفير الجزائري ما ذكرهاش بالإسم ولا غير، وهادشي لأنه عارف آش كيساينو من ميريكان.