تنزانيا كتلعب على الحبلين.. بوريطة استقبل وزير الخارجية والرئيسة مصايفطة رسالة للبوليساريو ها شنو فيها..

الصحراء اليومية/العيون

تلقا وزير الشؤون الخارجية والتعاون الأفريقي والمغاربة المقيمين في الخارج، ناصر بوريطة، الخميس، بوزير الشؤون الخارجية والتعاون الشرق أفريقي بجمهورية تنزانيا المتحدة، جانواري يوسف ماكامبا لي كيدير زيارة للمملكة المغربية.

اللقاء بين وزير الشؤون الخارجية والتعاون الأفريقي والمغاربة المقيمين في الخارج، ناصر بوريطة، وزير الشؤون الخارجية والتعاون الشرق أفريقي بجمهورية تنزانيا المتحدة، جانواري يوسف ماكامبا، هدرو فيه على علاقات التعاون بين البلدين على المستوي الثنائي والإفريقي، وتصريحات الوزير التنزاني كان فيها بزاف ديال المجاملة.

وفالجانب الآخر وتزامنا مع هاد الزيارة، تنزانيا رسلات رسالة جوابية لجبهة البوليساريو بعد الرسالة ديال زعيمها ابراهيم غالي الموجهة للرئيسة التنزاني، سامية حسن صلوحي، بمناسبة الذكرى الـ62 لاستقلال تنزانيا.

الرئيسة التنزانية فهاد الرسالة الموجهة للبوليساريو عبرات عن رغبتها فتعزيز علاقاتها مع جبهة البوليساريو، وكذا دعمها لجبهة البوليساريو، وهاد النوع من الدبلوماسية كيوضح أن تنزانيا تتعامل ظاهريا مع الطرفين وخلف الكواليس مع جبهة البوليساريو.

الموقف التنزاني من نزاع الصحرا كيبان داعم للبوليساريو ومسألة تغييرو خاصها بزاف ديال الخدمة من طرف وزارة الشؤون الخارجية والتعاون الأفريقي والمغاربة المقيمين في الخارج، ومجرد وقوفها على الحياد على المستوى الأفريقي والدولي يمكن يكون رباح لينا.