الصحراء اليومية/عبدالله بايه
يوم بعد يوم، كتبان الصورة واضْحة فالصحراء.. بعثة “مينورسو” كتوجد راسْها باش تمشي، والرحيل وَلاَّ واقِع.
صباح اليوم الثلاثاء، غادر ثلاثة من المراقبين العسكريين التابعين للبعثة مدينة العيون، في مشهد كيتكرر للمرة الثانية، وكيأكد أن مرحلة التصفية دخلت فعليا حيز التنفيذ.
المراقبون الثلاثة، اللي كيحملو الجنسية الهندوراسية، طلعو من مطار الحسن الأول بالعيون، على متن طائرة تابعة للخطوط الملكية المغربية، متوجهين لمطار محمد الخامس بالدار البيضاء، ومن تما غادي يكملو الطريق لبلادهم في نفس المساء.
الأسماء المعنية بالرحيل هي النقيب سيرنا زيلايا فرناندو خوسي، والنقيب تشينتشيا مولينا فيسنتي أنطونيو، والنقيب مارادياغا مونتيس هولمان أداليد.
هاد الرحيل الثاني كيجي مباشرة بعد توقف مهام البعثة الأممية في الصحراء، وبداية عملية تصفيتها بشكل رسمي، تحت إشراف رئيسها السابق ألكسندر إيفانكو.
والرسالة اللي كتوصل من العيون اليوم واضحة: صفحة “مينورسو” كتطوى، والصحراء داخلة لمرحلة جديدة.

