غِيرْ بالفَنْ..المغرب صيفط رسالة بالعقل لْنِظام الكابرانات وُخَلاَّهُم إسْتقبلوا وْلاَدْ الصَّحْرَا الحقيقيين تحت دْرَابُّو مَارُوكَانْ..

الصحراء اليومية/العيون

تشارك المملكة المغربية ممثلة بمجموعة من البرلمانيين فأشغال مؤتمر الإتحاد البرلماني العربي المنظم فالجزائر، يومي 26 و 27 ماي الجاري.

المغرب مشارك بوفد رسمي رفيع فيه جوج من ولاد الصحرا، ويتعلق الأمر بالنائب البرلماني عن حزب الأصالة والمعاصرة، النائب الاول ديال رئيس مجلس النواب، محمد الصباري، بالإضافة للمستشار البرلماني عن نفس الحزب، محمدو ادبدا، بالإضافة لبرلمانيين آخرين بحال فاطمة خير عن التجمع الوطني للأحرار.

مشاركة ولاد الصحرا بحال الصباري اللي رئيس الوفد وادبدا فهاد النشاط وفالدزاير تعكس المشاركة الفعلية والفعالة ديال الممثلين الشرعيين ديال ساكنة الصحرا فتدبير الشأن السياسي المغربي، وتُجسد أيضا مساهماتهم فالدفاع عن الوحدة الترابية للمملكة المغربية والسيادة الوطنية.

المغرب فهاد النشاط صيفط رسالة بالعقل لنظام العسكر وخلاهم يستقبلوا ولاد الصحرا الحقيقيين تحت الراية المغربية، وأحرج نظام العسكر فالبرلمان العربي وأحرجوا حتى مع رأيه العام و إعلامه اللي دار راسو بحال اللي ما كاين والو.