البوليساريو دايرة حملة فموريتانيا للتشويش على العلاقات بين الرباط وانواكشوط والرأي العام الموريتاني رافضها..

الصحراء اليومية/العيون

انخرطت جبهة البوليساريو فحملة كبيرة للتشويش على العلاقات المغربية الموريتانية ومحاولة الركوب على حادثة مقتل 4 منقبين موريتانيين عن الذهب فالمنطقة العازلة.

البوليساريو والموالين ليها بداو عملية كبيرة لتأجيج الرأي العام الموريتاني فمحاولة لتأليبه ضد المملكة المغربية وإستغلال الواقعة لإستهداف المغرب وهادشي من خلال ترويج منشورات تدعو موريتانيا لإتخاذ موقف فهاد الصدد، وهي الحملة اللي لقات تفاعل ضعيف جدا من طرف الموريتانيين اللي على دراية بأن هاد الحملة مجرد فخ باغية البوليساريو تربح منو ورافضين ينساقوا وراه.

ترويج البوليساريو ومناصريها لهاد المنشورات الداعية أيضا للتظاهر خلاها تصطادم بالرأي العام الموريتاني اللي أكد أن الواقعة تهم الموريتانيين فقط وما كاين لاش يدخل فيها شي حد آخر، مشيرين أن الأمور واضحة بالنسبة ليهم بحكم أن المنطقة العازلة محرمة عليهم وسبق للسلطات الموريتانية أنها حذرات المنقبين من ولوج هاد المنطقة، داعية إياهم للتنقيب داخل ترابهم الوطني وعدم التعدي على حدود دول أخرى.

الرأي العام الموريتاني عارف خطورة الوضع فالمنطقة العازلة وعارف بأن عناصر فجبهة البوليساريو كتستعمل المنقبين كغطاء لعملياتها الإستفزازية من خلال إستعمال نفس المركبات والزي اللي كيخلي من الصعب التمييز بينهم وبين المنقبين، ولكن فكل الأحوال الإقتراب من الجدار الرملي كتكون عندو ردة فعل حازمة من القوات المسلحة الملكية المغربية اللي كدافع على حوزة الوطن.

كيبقى التذكير فقط أن الحكومة الموريتانية علقات على واقعة مقتل 4 منقبين عن الذهب وأكدات أن نشاط التنقيب خاصو يكون داخل التراب الموريتاني وماشي فحدود البلدان الأخرى.

– متابعة.