12 محطة بارزة فْنزاع الصَّحْرَا فْـ 2023.. مشاورات غير رسمية وإرهاب البوليساريو وبُعد أطلسي وخنوع نظام العسكر..الحلقة4..

الصحراء اليومية/العيون

داز نزاع الصحرا بالعديد من المحطات فسنة 2023، محطات اللي مر فيها النزاع بمراحل متذبذبة بين حركية وجمود، وبين تصعيد وأوقات حرجة على المستوى الميداني رافقها إمتصاص الدبلوماسية لهاد الوضع الحرج، ولكن بصفة عامة النزاع ما كاين حتى إنعكاس على المسار السياسي الملف اللي بقا يُراوح مكانه بلا ما تحقق فيه أي خطوة نحو على الأقل إعادة إطلاق العملية السياسية، بسباب تصلب المواقف والوضع الدولي الصعيب وتصنيف النزاع كمسألة ثانوية فالأجندة الدولية.

اليوم غادي نحاولو نذكروا بـ 12 حدث داز منها النزاع فعام 2023، أو 12 محطة فيه كان لي الوقع الكبير على المستويين السياسي والميداني، وحتى المستوى التقني المتعلق بالمنطقة العازلة ودور بعثة الأمم المتحدة فالصحراء اللي غارقة فالنزاع بلا ما تكون عندها آليات باش تقدر تنفذ ولايتها الإنتدابية المتعلقة بمراقبة إتفاق وقف إطلاق النار

جولة جوشوا هاريس الأولى والثانية

من بين أهم المحطات لِّي شَكْلات منعرج فنزاع الصحرا، كاين ايضا جولات جوشوا هاريس بجوج للمنطقة، الجولة الأولى فشتنبر والجولة الثانية فدجنبر.

بالنسبة للجولة الأولى شملات الجزائر ومخيمات تندوف والمغرب، وجات فوقت كانت تبحث فيه الولايات المتحدة الأمريكية عن مخرج باش على الأقل تعطي لنزاع الصحرا شوية ديال الدينامية لي ضرورية وتكون تحت عنوان “لا ضرر ولا ضرار”، بمعنى هاد الدينامية تكون باينة وفنفس الوقت ما تكونش كتخص دواخل النزاع أو كتناقش حل النزاع.

الجولة الأولى كان الغرض منها بالأساس فسح المجال للمبعوث الشخصي ستافان دي ميستورا للأقاليم الجنوبية للمملكة لأول مرة منذ تعيينو فسنة 2021، وهي الزيارة لِّي كانت ضرورية بعد زيارة أولى للمنطقة ما شملاتش الصحرا.

أما الجولة الثانية كانت فدجنبر الجاري، فكانت عَنْدْها وقع خاص لأنها كانت ففترة ما بعد الهجمات الإرهابية فمدينة السمارة اللي خلفات وفاة شخص وجرح ثلاثة آخرين، والغرض منها هو التهيئة لظروف عقد مشاورات مقبلة حول النزاع لتجاوز حالة الجمود اللي كاينة فالملف والمساهمة فتليين المواقف فْظِل عدم إستبعاد عقد هذه المشاورات على شكل موائد مستديرة، خاصة وأن الولايات المتحدة تبحث عن إلتزام من الأطراف فْظِل هاد المستجدات الدولية الكبيرة وعدم الاستقرار فمناطق عدة من العالم.