حزب “بيلدو” الباسكي لِّي فْحُكومة سانشيث اقتارح بَنْتْ قيادي فالبوليساريو للانتخابات الأوروبية جَّايَّا..

الصحراء اليومية/العيون

عْلَنْ حزب تجمع الباسك EH BILDU على القائمة المقترحة ديالو للإنتخابات الأوروبية اللي غادي تدار فشهر يونيو الجاي.

المفاجأة فالأسماء لِّي اقتارحها EH BILDU لْهَادْ الإنتخابات هي السمية ديال بنت رئيس الوفد المفاوض للبوليساريو واللي سْبَق ليه خْدا الامانة العامة للبوليساريو مؤقتا فاشْ ماتْ عبد العزيز، ويُعد من الأسماء الثقيلة عَنْد البوليساريو خطري ادوه.

الحزب الباسكي اللي داخل فحكومة بيدرو سانشيث الحالية، حط بنت القيادي نجوى خطري ادوه رقم 12  فالقائمة ديالو للإنتخابات الأوروبية، وهادشي شكل مفاجأة بالنسبة لبعض المتابعين الصبليونيين اللي اعتابرو الخطوة غير مفهومة وكيبان أنها متفاهم عليها خاصة وأن هاد الحزب كيدعم البوليساريو.

هاد الترشيح ديال بنت القيادي خطري ادوه المنحدر من قبيلة “تنواجيو الموريتانية” هو تجسيد للإستهتار بالشباب فمخيمات تندوف اللي كيصيفطوهم للموت حدا الجدار الرملي ويتم تجويعهم وقتل أحلامهم ومنعهم من ممارسة إقتصادي أو تجاري أو حتى التنقيب، بينما ينعم أبناء القيادة بحياة الرفاهية فإسبانيا ويتم ضمان مستقبلهم اقتصاديا وتعليميا ودابا سياسيا من خلال الزج بيهم فالأحزاب الإسبانية.

ويشار أن إئتلاف “سومار” الإسباني يضم حتى هو المنحدرة من مخيمات تندوف تسلم سيدي واللي نجحات فالإنتخابات الماضية، ودابا نشاطها كلو مع البوليساريو والدفاع عليها.