واش ميزانية ميريكان ديال 2025 فيها قنصلية لْميريكان فالداخلة ؟ ها شنو قال مدير مكتب الميزانية والتخطيط ديال وزارة الخارجية الأمريكية..
الصحراء اليومية/العيون
قدم الرئيس الأمريكي جو بايدن، يوم الإثنين، ميزانيته للعام المالي 2025، والتي شملت مختلف مناحي الحياة على مستوى الولايات المتحدة الأمريكية، بالإضافة للحضور الامريكي قي الخارج والمساعدات المقدمة لبعض الدول.
وفهاد الصدد تطرقات الإحاطة الصحافية اليومية ديال وزارة الشؤون الخارجية الأمريكية، ليل الإثنين، لنزاع الصحرا من بوابة هاد الميزانية ديال سنة 2025، بحيث تحط سؤال على مدير مكتب الميزانية والتخطيط (BP) التابع لوزارة الخارجية، دوگلاس بيتكين، وسولوه على واش هاد الميزانية تتضمن مسألة فتح قنصلية أمريكية فمدينة الداخلة، لاسيما بعد الإعتراف الأمريكي بمغربية الصحرا سنة 2020.
وعلى حساب الندوة الصحافية، فمدير مكتب الميزانية والتخطيط (BP) التابع لوزارة الخارجية، دوگلاس بيتكين، قال فجوابو بأن ما عندوش أي جدول زمني بخصوص فتح القنصلية الأمريكية فالداخلة في هذه المرحلة.
جواب المسؤول الأمريكي أكد على عدم مراجعة الموقف اللي تخاد فعهد الرئيس السابق دونالد ترامب، ولكن كيزرع بزاف ديال الشك بخصوص إفتتاح القنصلية الأمريكية فالداخلة واللي ديجا كان وزير الخارجية الأمريكية السابق دار ليها زيارة وواجدة بلا ما يتم إفتتاحها.