زعيم البوليساريو كَيْحَزَّرْ إيران.. صَيْفَطْ تعزية وفيسبوكيين فتندوف شَادِّينْ فيهْ وُ مْطَلْعِينْهَا عْليهْ..

الصحراء اليومية/العيون

استغل زعيم جبهة البوليساريو المأساة ديال وفاة الرئيس الإيراني ووزير خارجيته، فسقوط الطائرة المروحية ديالو نهار الأحد في محافظة أذربيجان الشرقية باش يتودد لإيران.

وصيفط زعيم البوليساريو، إبراهيم غالي، رسالة لنائب الرئيس محمد مخبر كيعزيه فوفاة الرئيس الإيراني، إبراهيم رئيسي، ووزير الخارجية حسين أمير عبد اللهيان، واصفا نفسه بكونه “رئيس” فمحاولة للترويج لراسو باش يكون حاضر فالأحداث الدولية المؤثرة، علما بأن هاد الصفة ما كتوفرش فيه وحتى البوليساريو ماشي عضو فالأمم المتحدة.

هاد رسالة التعزية تلقاها رواد منصات التواصل الاجتماعي “فيسبوك” فتندوف بنوع من التهكم، مشيرين أن هاد رسائل التعزية اللي كيرسل زعيم البوليساريو ما كيقراها حد وحتى الأطراف المعنية ما كتشوفهاش وما كتوصلهاش، وباغي غير يوهم الرأي العام على أنه معروف على مستوى المشهد الدولي.