المَغْرِبْ.. المَكَانَةْ لِّي مَا كَتْشْرَاشْ بْلَفْلُوسْ..

الصحراء اليومية/العيون

فَالوَقْتْ اللِّي بَعْضْ الدُّوَلْ كَتْسْتَجْدِي غِيرْ مُكَالْمَةْ تِيلِيفُونِيَّة مَنْ الرَّئِيسْ الأَمْرِيكِي السَّابِقْ دُونَالْدْ تْرَامْبْ، وُفَالوَقْتْ اللِّي رُؤَسَاءْ وُمُلُوكْ كَيْوْقْفُو فَالصَّفْ بَاشْ يْهَنِّيهُمْ، كَانْ المَغْرِبْ فْوَضْعِيَّة مُخْتَلْفَة تَمَاماً.

المُعْطَيَاتْ كَتْقُولْ بَاللِّي تْرَامْبْ هُوَ اللِّي كَيْتْمَنَّى يْزُورْ المَغْرِبْ. كَيْتْمَنَّى يْسُوقْ طَّومُوبِيلْتُو فُوقْ الطَّرِيقْ السَّرِيعْ اللِّي كَيْرْبَطْ تيزنيت و الداخلة.

وَالأَهَمْ مَنْ هَادْشِي كَامْلْ، هُوَ أَنَّ الرَّئِيسْ الأَمْرِيكِي السَّابِقْ كَيْعْبَّرْ دَايْماً عْلَى احْتِرَامُو العَمِيقْ لَلْمَلِكْ مُحَمَّدْ السَّادِس.

هَادْ الوَضْعْ كَيْعْكَسْ التَّحَوُّلْ الكْبِيرْ اللِّي وْصْلْ لِيهْ المَغْرِبْ فَالسَّاحَة الدُّولِيَّة. وُلَّا بْلَادْ كَتْفْرَضْ احْتِرَامْهَا مَاشِي بالضَّغْطْ وُ مَاشِي بْلَفْلُوسْ،هُنَاكَ أَشْيَاءْ لَا تَشْتَرِيهَا أَمْوَالْ الغَازْ وَالبِتْرُولْ.

المَغْرِبْ اخْتَارْ طْرِيقْ السِّيَادَة، الاسْتِقْرَار، وَالمِصْدَاقِيَّةْ. وَاليُومْ كَيْجْنِي ثِمَارْهَا عْلَى شَكْلْ مَكَانَةْ وَهَيْبَةْ مَا عْنْدْهَاشْ  ثَمَنْ.