طْرِيقْ تْرَامْبْ.. كِيفَاشْ المَغْرِبْ رْبَحْ المَعْرَكَة الإِعْلَامِيَّة عْلَى الصَّحْرَا بْصِفْرْ دِرْهَمْ..

الصحراء اليومية/العيون

لِمُدَّةْ دْيَالْ سْنِينْ وَالمَغْرِبْ كَيْسْتَثْمَرْ المِلْيَارَاتْ دْيَالْ الدُّولَارْ فْأَقَالِيمُو الجَنُوبِيَّة، طَرْقَانْ، مُسْتَشْفَيَاتْ، جَامِعَاتْ، مَوَانِئ.. هَادْشِي كُلُّو ضِمْنْ نَمُوذَجْ التَّنْمِيَةْ الجْدِيدْ.

وُالْهَدَفْ كَانْ وَاضْحْ: التَّنْمِيَةْ وَاجِبْ، وَلَكِنْ حْتَّى نْقْلْبُو الرِّوَايَةْ وُنْجَاوْبُو عْلَى المَزَاعِمْ دْيَالْ “الاِحْتِلَالْ” وَ “نَهْبْ الثَّرَوَاتْ”.

الحَرَكَةْ اللِّي قْلَبَاتْ كُلْشِي كَانَتْ تَسْمِيَةْ الطَّرِيقْ السَّرِيعْ بِاسْمْ الرَّئِيسْ الأَمْرِيكِي السَّابِقْ دُونَالْدْ تْرَامْب.

فْأَقَلْ مَنْ 24 سَاعَة، تْحَوْلَاتْ الصَّحْرَا المَغْرِبِيَّة مَنْ مَوْضُوعْ نِزَاعْ لِـ “تْرَانْدْ عَالَمِي”. المَلَايِينْ شَافُو خَرِيطَةْ المَغْرِبْ كَامْلَةْ وُطْرِيقْ طُولُو أَكْثَرْ مَنْ 1000 كِيلُومِتْر، كَتْرْبَطْ تيزنيت  بْلَعْيُونْ وُالدَّاخْلَةْ.

هَادْ الإِعْلَانْ وَصَّلْ 3 رَسَائِلْ قْوِيَّةْ لَلْعالم:

السِّيَادَة: المَغْرِبْ كَيْنْفَقْ عْلَى أَرْضُو، هَادِي اسْتِثْمَارَاتْ دَوْلَة فَالإِقْلِيمْ دْيَالْهَا.

التَّنْمِيَةْ: الطَّرِيقْ السَّرِيعْ شَاهْدْ عَلَى أَنَّ المَغْرِبْ بْنَى بِنْيَة تَحْتِيَّة عَالَمِيَّة مَا كَايْنَاشْ حْتَّى فَبْزَّافْ دْيَالْ الدُّوَلْ.

الانْفِتَاحْ: الطَّرِيقْ مَا كَيْتْسَالَاشْ فَلعْيُونْ أو الداخلة.. رَاهْ بَابْ نَحْوَ إِفْرِيقْيَا وَالسُّوقْ الإِفْرِيقِيَّةْ.

اعْتَبَرَ مُتَابِعِينْ بَاللِّي هَادْ الخُطْوَةْ هِيَّ “أَذْكَى خُطَّةْ تَسْوِيقِيَّةْ فَالعَالَمْ”، حِيتْ بْلَا مَا يْصْرَفْ المَغْرِبْ سَنْتِيمْ وَاحْدْ عْلَى الإِعْلَانْ، قْدَرْ إِخَلِّي العَالَمْ كَامْلْ يْهْضَرْ عْلَى التَّنْمِيَةْ فَالصَّحْرَا المَغْرِبِيَّةْ.

وَبِالتَّالِي، تْحَوْلَاتْ المِلْيَارَاتْ اللِّي تْصَرْفَاتْ لْسِنِينْ مَنْ “نَفَقَاتْ لْـدَلِيلْ مَادِّي عْلَى السِّيَادَةْ وَالاسْتِقْرَارْ.