الفيلم سالَى وُهَاذُو مْسَاكِينْ بَاقِي كَيْحَلْمُو.. رَايْسْ البوليساريو سْتَقْبَلْ مسؤولين دبلوماسيين من كوبا ونيكاراگوا..

الصحراء اليومية/العيون

استقبل زعيم جبهة البوليساريو، إبراهيم غالي، الأحد مسؤولين دبلوماسيين من كوبا ونيكاراگوا، فإطار دعمهم ليها وتبنيهم لأطروحتها من نزاع الصحراء.

ودار زعيم البوليساريو مباحثات مع الدبلوماسي الكوبي هيكتور إگارسيا كابريرا والدبلوماسي النيكاراگوي، كارلوس إدواردو دياث موريرا، ناقشوا فيها نزاع الصحراء ومواصلة هاد البلدان الانخراط فأطروحة البوليساريو والجزائر.

هاد الاستقبال والمباحثات كتجي باش “يقدموا أوراق اعتمادهم لزعيم البوليساريو بصفة سفراء لبلدانهم”، وتنطبق عليهم مقولة استنجد غريق بغريق، بحيث كتستعمل البوليساريو هاد النوع من الصفات وتروجهم لرأيها العام على أساس تحقيق انتصارات دبلوماسية فمعركة نزاع الصحرا.

هاد المسؤولين الدبلوماسيين اللي كيتعينوا “سفراء” عند البوليساريو كيبقاو فالجزائر وأغلبهم كيكون سفير عند الجزائر وكيجي تعيينهم عند البوليساريو فإطار مجاملة نظام العسكر طمعا فتحقيق مصالح اقتصادية.

هاد الدول بالخصوص غارقة فوحل وضعها السياسي والاقتصادي الهش، ولا تأثير لها لا على مستوى أمريكا اللاتينية ولا على مستوى المنتظم الدولي وهياكل الأمم المتحدة ولا فمجلس الأمن الدولي.