البوليساريو باقي طالْقة سْلُوكَية..ها حقيقة تْصاوْرْ ديال الدرون لِّي طايْحْ وقالت البوليساريو ديال القوات المسلحة…
الصحراء اليومية/العيون
كذوب البوليساريو وبطولاتها الخاوية ما كيساليش، بحيث تداول رواد منصات التواصل الاجتماعي وتطبيقات التراسل الفوري صور وتسجيلات ديال متحدثين من البوليساريو كيقولو بأنهم طيحو درون مغربية شرق الجدار الرملي.
البوليساريو ومناصريها نشرو هاد التسجيلات بزاف وتم تداولها على “واتساب” وبالإضافة لذلك دارو تدوينات ودارو معاها صور درون طايحة وواحد ملثم مصور حداها.
الحقيقة، أن الأمركيتعلق بكذبة جديدة ديال البوليساريو فوقت خسائرها كتزيد يوم بعد يوم نتيجة لمحاولات عناصرها القيام بأعمال عدائية شرق الجدار الرملي.
وعلى حساب البحث، تبين بأن الصور اللي خداتهم البوليساريو باش تروجها على أنها انتصار تعود لطائرة مسيرة أمريكية كانت طاحت فالنيجر فمارس 2020 وبالضبط 50 كيلومتر شمال منطقة تيميا على بعد 250 كيلومتر من آگادز، والصورة واضحة مكتوبة على الطائرة US ARMY.
