علي بيدا: “غادي نْهَيْكْلُو الفريق مزيان وُنْقَلْبُو عْلى مستشهرين باشْ نْرَجْعُو شباب المسيرة للواجهة”..

الصحراء اليومية/العيون

خرج “علي بيدا” رئيس فريق شباب المسيرة لكرة القدم بتصريحات قوية عقب نهاية مباراة السد، أكد فيها أن المرحلة المقبلة غادِي تْكُونْ دْيال “البناء والتنظيم” باشْ الفريق يَرْجَعْ بْقوة وِشَرَّفْ الجهة كامْلَة.

وقال بيدا في تصريح خاص: 

“الهدف دْيالنا واضْحْ، أول حاجة غادي نَّظْمُو البيت الداخلي للفريق. خاصْنا هيكَلة جديدة، انضباط، وعمل احترافي، شباب المسيرة فريق كْبِيرْ ديال جهة كْبِيرة وُمَاخَاصُّوشْ إِبْقَى هاكَّا”.

وأوضح الرئيس أن المكتب المسير بدَأَ فعلاً في وضع تصور جديد للفريق، يرتكز على 3 محاور أساسية:

–  تنظيم الهياكل: إعادة هيكلة الفئات الصغرى وتكوين اللاعبين.

– الجانب المالي: “غَادِي نْقَلْبُو عْلى مستشهرين وشركاء حقيقيين. بْلاَ فلوس مَيْمْكَنْشْ تمشي بْعيدْ، خاصْ الناس كامْلِين إِتْجَنْدُو مْعانا”

– الاستقرار التقني: دعم الطاقم التقني واللاعبين ومنحهم كل الظروف باش إِخدمو مرتاحين.

وأضاف بيدا بلهجة كلها ثقة: “الجمهور ديالنا يستاهل فريق كبير. و حنا وَاعْدِينْهُم بالخدمة. الخطوة الأولى هي نظمو الدَّارْ مَن الداخل، وُمَنْ بَعْدْ نْهَضْرو عْلى النتائج”*.

ووجه رئيس النادي رسالة شكر لجماهير شباب المسيرة لِّي وُقْفَاتْ مْع الفريق في مباراة السد، وُدْعاهُمْ باشْ إِسْتَامْرُّو في المساندة.

كما ناشد المنتخبين والفاعلين الاقتصاديين بالجهة من أجل دعم الفريق: “شباب المسيرة ماشي ديال المكتب بْوَحْدُو، هو ديال الجهة كاملة. خاصنا نْدِيرُو يَدْ فْيَدْ باشْ نْوَصْلُوهْ للمكانة لِّي إِسْتَاهَلْهَا”.

ويُذكر أن شباب المسيرة خاض مباراة السد ذهاباً أمام اتحاد تواركة بالمحمدية وانتهت بالتعادل، في انتظار مباراة الإياب الحاسمة بالرباط.